Европската ракометна федерација објави широк список на номинирани ракометарки во изборот за идеалниот состав за оваа сезона во Лигата на шампионите. Македонскиот претставник, Вардар има најмногу, шест ракометарки.
Предложени се Амандин Лејно, Сираба Дембеле, Јованка Радичевиќ, Ања Алтхаус, Андреа Лекиќ и Андреа Пенезиќ. По шест номинации имаат и Ларвик и Будуќност, но по една од нив е во името на Оле Густав Гјекстад и Драган Аџиќ, во трката за најдобар тренер.
Вкупно 45 играчи и пет тренери се вклучени во поширокиот список. Има играчи од 18 нации и од 12 клуба кои играат сезонава. Гласањето ќе биде отворено до 3 мај (недела), а одлуката кои играчи добиле најмногу гласови ќе биде познато за време Ф4 турнирот во Будимпешта на 9 и 10 мај.
