Денеска во Дубровник, низ свечена церемонија извлечени беа групите за Квалификациите за Европското Првенство што во 2018 година ќе се игра во Хрватска.

Македонија се најде во Групата 4, каде за противници ќе ги има Исланд, Чешка и Украина. Квалификациските натпревари ќе се играат во периодот од ноември 2016 до јуни 2017, а пласман на завршницата на Европското Првенство ќе обезбедат двете најдобропласирани репрезентации од секоја група, заедно со најдобрата третопласирана репрезентација од сите групи заедно.

Квалификацискиот циклус го отвораме со натпревар на домашен терен на 2/3 ноември против Украина, а во периодот од 5 до 7 ноември ќе играме на гости против Чешка. Следуваат две средби по ред против Исланд на почетокот на мај, додека квалификациите се затвораат на средината на јуни, кога најпрво гостуваме на Украина а за крај ја пречекуваме Чешка.

Распоред на натпревари:
02/03.11.2016 Македонија – Украина
05-07.11.2016 Чешка – Македонија
03/04.05.2017 Македонија – Исланд
06/07.05.2017 Исланд – Македонија
14/15.06. 2017 Украина – Македонија
17/18.06.2017 Македонија – Чешка